21:I[440,["231","static/chunks/231-d504487b2570387a.js","8173","static/chunks/8173-acb7ba4a34a4d77d.js","6690","static/chunks/6690-41ea7998f5d76362.js","5764","static/chunks/5764-eb411aad287a7dd1.js","5223","static/chunks/5223-75ec7afd1c230559.js","6302","static/chunks/6302-e4e6a02f6d61f438.js","8544","static/chunks/app/lajme/%5Bid%5D/page-9b16923623e17f5b.js"],"default"] 22:T5a8,

Kryeministrja italiane Giorgia Meloni ka hedhur poshtë idenë se Italia duhet të zgjedhë midis Shteteve të Bashkuara të Amerikës dhe Bashkimit Europian, duke e cilësuar një zgjedhje të tillë si “foshnjarake” dhe “sipërfaqësore”. Në një intervistë për Financial Times, Meloni theksoi se Italia është në gjendje të ruajë marrëdhënie të mira me të dyja palët, ndërsa u shpreh:

“Italia mund të ketë marrëdhënie të mira me Shtetet e Bashkuara, dhe nëse ka diçka që mund të bëj për të shmangur përplasjet me Europën dhe për të ndërtuar ura, do ta bëj – sepse është në interes të europianëve.” (Financial Times)

Meloni, e cila drejton partinë e djathtë “Vëllezërit e Italisë”, e cilësoi SHBA-në si “aleatin e parë” të Italisë dhe pranoi afërsinë ideologjike me ish-presidentin amerikan Donald Trump:

“Jam konservatore. Trump është lider republikan. Sigurisht që jam më afër tij se shumë të tjerëve, por e kuptoj një lider që mbron interesat kombëtare. Edhe unë mbroj të miat.”

Deklaratat e saj vijnë në një moment tensioni në rritje midis SHBA-së dhe BE-së, sidomos për çështje tregtare dhe të mbrojtjes. Meloni ka kërkuar një qasje të matur dhe të balancuar, duke u shprehur kundër reagimeve impulsive ndaj tarifave amerikane ndaj mallrave italiane.

Meloni: “Italia nuk zgjedh mes SHBA-së dhe BE-së, zgjedh interesin kombëtar”