Sallatë Greke me Quinoa dhe Pulë

Përbërësit

• Quinoa – 225g
• Gjalpë – 25g
• Spec i kuq djegës – 1 i grirë
• Hudhër – 1 thelpi i grirë imët
• Gjoks pule – 400g
• Vaj ulliri – 2 lugë gjelle
• Ullinj të zinj – një dorë
• Qepë të kuqe – 1 e grirë
• Djathë feta – 100g
• Nenexhik – i grirë
• Limon – Lëngu i 1/2

Udhëzimet

Gatuani quinoan sipas udhëzimeve në paketim, pastaj shpëlajeni me ujë të ftohtë dhe kullojeni mirë. Ndërkohë, përziejeni gjalpin, specin djegës dhe hudhrën për të krijuar një pastë. Përziejini filetot e pulës me 2 lugë çaji vaj ulliri dhe pak kripë e piper. Vendosini në një tigan të nxehtë grill dhe gatuajini për 3-4 minuta nga secila anë ose derisa të jenë të gatuara plotësisht. Kalojini në një pjatë, vendosni sipër gjalpin pikant dhe lërini mënjanë që të shkrihet. Më pas, vendosni në një enë domatet, ullinjtë, qepën, fetën dhe nenexhikun. Përziejini me quinoan e zier. Shtoni vajin e ullirit të mbetur, lëngun dhe lëkurën e limonit, dhe rregullojeni me kripë e piper sipas shijes. Shërbejeni me filetot e pulës sipër, të spërkatura me lëngun e gjalpit.